Дали некогаш сте се запрашале дали сте премногу изложени на сонце кога сте на плажа?
Компанијата L’Oreal во соработка со Apple креира сензор наречен „La Roche-Posay My Skin Track UV” – уред без батерии дизајниран да ви каже дали кожата ја експонирате на премногу соларна радијација, т.е ултравиолетово (UV) зрачење.
Сензорот во комбинација со мобилната апликација чини $60, се закачува на облеката, на ланче на врат, на чанта и слично и се напојува од сончевата светлина. Еден претходен обид на L’Oreal за сличен уред наречен UV Sense бил во форма лепенка и сензор кои се ставале на нокти.
Овој нов сензор има форма слична на малечка слушалка за во уво и за да функционира не му е потребна батерија ниту пак Bluetooth. Наместо тоа, кога сончевата светлина поминува низ малечкиот „прозорец“ на сензорот, допира до LED детектор, а UV фотоните се складираат во кондензатор.
Вградена во сензорот е и NFC (near-field communication) антена, па така кога смартфонот ќе се доближи до сензорот преку неа се пренесуваат податоците за фотоните во него. Сензорот детектира ултравиолетова радијација, додека апликацијата со патентиран алгоритам ја калкулира изложеноста на кожата на овие зраци и ги прикажува деталите за тоа.