Како што самото име сугерира, мозочно-компјутерски интерфејси (BCI - brain-computer interface ) се уреди кои овозможуваат директна линија на комуникација помеѓу мозок и компјутер.
Тие се способни за читање на мисли, а истражувањата поврзани со нив постигнаа значаен напредок последниве неколку години, па така сега имаме BCI кои можат мислите да ги претворат во звучни реченици, па дури и да овозможат телепатско играње на Тетрис.
Иако ваквата технологија е сè уште далеку од тоа да биде прифатена од пошироката јавност, нов кинески компјутерски чип конечно би можел да ја доближи до масите.
Како резултат на соработката помеѓу универзитетот Тианџин и една кинеска електронска корпорација бил креиран „Brain Talker”, компјутерски чип специјално дизајниран за користење во BCI.
Сигналите пренесувани и процесирани од мозокот се измешани со многу „позадински звуци“, а овој BC3 чип има способност да ги игнорира незначајните нервни електрични сигнали и ефикасно да ги декодира информациите од нив – што значително може да ја зголеми брзината и точноста на мозочно-компјутерските интерфејси.
Bran Talker чипот ја унапредува BCI технологијата, овозможувајќи да е преносна и попристапна за јавноста.