Стартап компанијата од Масачусетс Alaka’i Technologies претстави електрично летало кое може да полетува и слетува вертикално и ја претставува иднината на такси транспортот.
Наречено Skai, ова летало кодизајнирано со Designworks (чии сопственици се BMW) е напојувано од 3 водородни горивни ќелии кои можат да генерираат електрицитет за 6-те тивки електрични мотори од 100KW. Може да пренесува товар до 450kg., да превезува 5 луѓе истовремено (вклучувајќи го и пилотот), или 4 со автономна контрола или контролирано од далечина од пилот кој е на земјата.
Опремена со 5G wi-fi, кабината овозможува видик од 180 степени.
Придобивките од користењето на водородните ќелии е тоа што тие генерираат нула загадување за време на користењето, а секоја од нив може да биде искористена со 95% капацитет, додека останатите можат да бидат рециклирани со 99% ефикасност.
Дометот на Skai е до 645km., а во воздухот може да помине 4 часа. Доколку има потреба да изврши некоја специфична задача, можат да се додадат дополнителни горивни ќелии кои овозможуваат лет до 10 часа.
Сигурноста е голема – неговите 6 ротори немаат комплицирани механизми и доколку еден престане да работи, леталото ќе може безбедно да слета. Доколку повеќе од 2 прекинат да работат, се отвара падобран кој го олеснува слетувањето.
Skai користи врски на податоци со енкрипција со воен стандард и следење на податоците од летот во реално време за секое летало.