Лондонската стартап компанија Swytch Technology претстави пакет со чија помош може секој регуларен велосипед да се претвори во електричен со домет до 65 километри.
Swytch пакетот го заменува предното тркало со моторно и содржи контролер кој се фиксира помеѓу рачките на велосипедот.
Напредната литиумска батерија има моќност од 240w и овозможува домет од 65 километри и максимална брзина од 25км/ч., а сензорот за брзина кои корисниците можат да го прикачат на педалата е способен да го детектира нејзиното движење нанапред за да го активира моторот – наместо тоа да се прави преку главниот контролер.
Мисијата на компанијата е оваа врвна технологија да биде достапна за секого и проценуваат дека 99% од 1 милијарда велосипеди во светот можат да се конвертираат со овој пакет.
Моментално Swytch пакетот за конвертирање може да се нарача преку нивниот вебсајт и е исклучително лесен за монтирање и лесно може да се отстрани, овозможувајќи им на корисниците да си ги користат велосипедите како порано. Цената ќе биде позната во септември, кога и ќе дебитира на велосипедски саем во Германија.