Во февруари, тим научници од Кина и САД објавиле дека на глувци им дале способност да гледаат во темнина, со инјектирање на наночестички во нивните очи.
Сега, интернационален тим научници објавиле студија во која се објаснува како нивната технологија за ноќна визија би имала воени апликации.
Според нив, војниците би можеле да одберат ваква процедура бидејќи со неа би имале способност да гледаат во темнина без потреба од сегашните гломазни очила/двогледи кои служат за тоа, а воедно истата би била привремена (состојбата траела околу 10 недели кај глувците), во споредба со опцијата за генетски инженеринг каде способноста за ноќна визија би била постојана.
Наночестичките би можеле да бидат дизајнирани и да овозможуваат перцепција на радијација, давајќи им на инспекторите и цариниците можност да забележуваат радиоактивни материјали при нивното шверцување.
Сепак, сè уште се работи само за концепт кој е потребно уште да се испитува за да се потврди неговата безбедност кај луѓето.