Еncompass е електрична четка за заби која истите може да ги исчисти за само 20 секунди со помош на уникатниот дизајн во форма на буквата „Ј“.
Благодарение на таа форма, наместо да чисти 1-2 заби одеднаш, нејзините четки ги опкружуваат сите страни на горните и долните заби, а се прилагодува според устата на корисникот овозможувајќи контакт на секој заб со влакната.
Влакната вибрираат со точно 100 удари во секунда и се позиционирани да овозможат правилен притисок и интензитет на чистењето, додека тивка пневматска пумпа предизвикува тие да вибрираат спроти забите во процес кој трае само 10 секунди за секоја страна од устата.
Бидејќи Encompass четката побарува помалку физичко „четкање“, таа би била корисна и за луѓето со ограничена подвижност, како на пример оние со Паркинсонова болест и сл., а воедно и ја минимизира шансата децата правилно да не ги четкаат забите.
Encompass четката доаѓа во комплет со подлога за полнење, кабел и кутија за патување, а моментално за неа е во тек Indiegogo кампања каде што чини $99 (во однос на регуларната цена од $189 кога ќе почнат испораките во 2020-та).