Тим професори по компјутерска наука од универзитетот на Чикаго креирале специјална нараквица која ги блокира околните микрофони, вклучувајќи ги и оние во паметните звучници и асистенти (Alexa и сл.).
Оваа крупна „нараквица на тишината“ во неа има вградено 24 звучници способни за емитирање на незабележливи ултрасонични сигнали, чии високи фреквенции околните микрофони ги детектираат како статика која го маскира секој говор.
Според нејзините креатори, се работи за корисен вид на „одбрана“ – кога сакате да кажете нешто приватно. Нраквицата може да се активира во реално време, а сè што е кажано додека била активна нема да биде снимено на паметните звучници преку нивните микрофони.
Сега засега, оваа „сајберпанк“ нараквица е само прототип, но според истражувачите, би можела да биде произведена за само $20.