Бертолт Мејер, професор по психологија на технолошкиот универзитет Чемниц, бил роден без долниот дел од левата рака.
Пред неколку години, тоа можеби би се сметало како пречка за учење на музички инструмент, но не и сега. Тој вели дека својата протетичка рака ја претворил во „музичка суперсила“ – контролирајќи синтисајзери со мисли.
Напредната i-LIMB протетичка рака која тој ја користи ги претвора електричните сигнали од мускулите во умешни движења на зглобовите и прстите, но со неа било тешко да се контролираат малечките копчиња на синтисајзерите.
Овој проблем, на Бертолт (кој инаку е DJ и продуцент на електронска музика) му дал идеја – да пронајде начин да ја „хакира“ протетичката рака, за да може аудио опремата да ја контролира во неговите мисли.
За да тоа го постигне, инженери од студиото за музичка опрема KOMA Elektronik му помогнале да изработи додаток кој на протетиката може да ја замени механичката дланка.
Наместо да манипулира со објекти, додатокот наречен SynLimb ги преведува нервните сигнали во инструкции за електронски инструменти, преку контролирана волтажа.