Американскиот софтверски гигант „Мајкрософт“ објави извинување до интернет корисниците кои изразија незадоволство заради објавувањето на кратката порака - „твит“, што беше оценето како обид за користење на смртта на британската пејачка Ејми Вајнхаус за остварување профит.
Станува збор за „твит“ во кој се повикува на преземање песни од Вајнхаус.
„Мајкрософт“ им се извини на корисниците и нагласи дека објавувањето на „твитот“ било далеку од чисто комерцијални цели.
Американската компанија „Импулс текнолоџи“, истовремено, покрена судски процес против „Мајкрософт“, обвинувајќи го за кршење на седум од нејзините патенти во уредот за регистрирање движење - „кинект“.
Процес е покренат и против осум издавачи на видео игри, меѓу кои се EA (Elektronic Arts), „Конами“, „Сега“, THQ и „Убисофт“.