Сакате да се напиете? Внимавајте, Facebook може да ве „прогласи“ за алкохоличар.
Профилите на студентите на Facebook можат да укажуваат на потенцијални алкохоличари, тврдат американските научници.
Истражувачкиот тим кој го предводел Меган Морено од Универзитетот Винсконсин-Медисон, востановил дека студентите кои на Facebook пишуваат дека се опијануваат или поставуваат фотографии на кои се пијани, имаат големи шанси да станат зависници од алкохол.
- Резултатите од истражувањата покажуваат дека клиничкиот термин за утврдување на проблем со алкохолизмот може да се забележи и преку податоците на Facebook, се наведува во студијата објавена во архивите на педијатриската и адолесцентната медицина.
Истражувачите сметаат дека профилите на Facebook можат да им помогнат на училиштата да откријат кои ученици имаат проблеми со алкохолот, па со тоа и да им помогнат.
Единствен проблем, според нив, е тоа што тоа би значело нарушување на приватноста на студентите.