За само осум години постоење најголемата социјална мрежа на светот достигна една седмина од светската популација по бројот на активни месечни корисници.
Оваа информација ја објави основачот на Facebook Марк Зукерберг, кој гостуваше во една американска телевизија.
Милијарда корисници се одговорни за 1,13 трилиони лајкови, 219 милијарди фотографии и 17 милијарди логирања на локации како и 140,3 милијарди прифатени пријателства, пренесува BBC, а има 600 милиони пристапи на Facebook со помош на преносните уреди што е за 48 милиони повеќе него лани ова време.
Во Африка се шири со помош на проектот “Facebook за секој мобилен“, кој цели на корисниците на едноставните (старите) мобилни телефони, со надеж дека со време ќе се успее да се искористи приликата за монетаризација која доаѓа со големата корисничка база.
Сепак, клучни се големите пазари како Кина и Русија кои Зукерберг и неговата компанија сеуште не успеале да ги освојат. Во Русија на пример, тамошната социјална мрежа VKontakte има 300 милиони корисници а Facebook само 7.
Исто така, се среќава со предизвик како најдобро да се искористи огромната количина на податоци со која корисниците располагаат. Тоа е потенцијален златен рудник но може да биде и минско поле, затоа што користењето на тие податоци навлегува во приватноста и често ги надминува границите на дозволеното.