Клати врата, зимај плата – од милијарда долари

Google му плаќа на Apple значителна сума на пари за неговиот пребарувач да биде достапен на iУредите.

Скот Девис, кој е аналитичар од компанијата Morgan Stanley направил како што вели “груба проценка во врска со износот кој секоја година Google му го исплаќа на Apple за својот пребарувач на iOS уредите“.

Според неговата проценка, Apple секоја година во “својот џеб“ става околу милијарда долари од Google, и смета дека не се во право оние кои мислат дека Google има договор за поделба со Apple во врска со iOS пребарувањата по систем секој долар кој Google го оствари од огласувањата на iOS уредите Apple добива по 75 центи.

Девис вели дека Apple никогаш со Google не би направил таков договор бидејќи е премногу конфузен и нетранспарентен, па затоа е уверен дека Apple од Google пред се зема надоместок “по глава“, односно за секој iOS уред, iPhone, iPad или iPod. Тој надоместок изнесува некои 3,2 долари а аналитичарите сметаат дека тој износ секоја година е повисок.

Иако бројката од милијарда долари која Apple ја добива од Google, не е мала, тој вели дека Apple во своето работење минатата година остварил дури 13 милијарди профит.



Во секој случај сега може до некаде да ни се разјасни зошто Apple никогаш директно не го тужел Google поради Android-от, бидејќи милијарда долари годишно без некој поголем труд, секогаш помага за одржување на толеранцијата.