Ким Кардашијан одвај се воздржува да не направи скандал откако се појави информацијата дека нејзиното момче и татко на нејзиното неродено дете веќе подолго време ја изневерува со 24 годишната канадска манекенка Leyla Ghobadi.
Според Star магазинот девојката вели дека Каније упорно ја убедувал дека врската со Ким не е сериозна и е само поради медиумски публицитет.
-Знам дека ова ќе го уништи семејството Кардашијан. Ова е лошо, навистина лошо. Освен тоа е срамно. Но, јас да бев Ким и да чекав да се породам ќе сакав да го знам ова, изјави манекенката. Таа тврди дека била со Каније уште во јули минатата година, а повторно се виделе и во октомври. Вест се обидел да контактира со неа минатата недела со цел повторно да се видат, но таа одбила.
Веста за наводната афера на Каније дополнително ќе ја разниша врската со Ким која во последно време оди во надолен правец. КК остана без зборови откако нејзиниот партнер го прослави својот роденден во Њујорк со пријателите оставајќи ја сама во Лос Анџелес.
-Ким потполно го почитува Каније, но како што се ближи големиот ден почнува сериозно да се лути поради тоа што поминуваат многу малку време заедно. Таа посакува тој да се потруди повеќе и да и посвети поголемо внимание, откриваат нејзините пријатели.
Сепак, желбите на КК по се изгледа не допираат до ушите на Каније кој продолжува да се забавува со својата дружина заборавајќи дека во Лос Анџелес го чека мајката на неговото дете. Со овој развој на настаните по се изгледа дека најголемиот страв на Кардашијан дека ќе остане самохрана мајка наскоро ќе стане стварност.