Трката за победа продолжува!
Финалистите на "Х-Factor“ во третата лајв емисија, која на програмата е вечерва од 21:00 часот, ќе пеат хитови од домашната музика, а во ревијалниот дел ќе настапи Јелена Томашевиќ.
Новата епизода ќе биде полна со изненадувања бидејќи во шоуто се враќа Маид Хачимовиќ, која сега рамноправно ќе се бори за главната награда, а ќе му се придружи на нашиот Даниел Кајмакоски од групата на Жељко Јоксимовиќ. Темата на емисијата е домашна музика, па не е ни чудо што продуцентите на ова популарно шоу како специјален гостин ја повикаа Јелена, која со својот настап ќе ја подигне атмосферата.
Судијата на X-Factor, Жељко Јоксимовиќ, кој како што објавиме ќе добие засилување во својата група, откако во претходните две лајв вечери изгуби по еден свој пулен, овојпат доста самоуверено влегува во борба. Исто така на оваа вечер најмногу се радува токму тој, кој е познат по тоа дека преферира кандидатите да пеат на мајчин јазик.
- Гледајте ја третата лајв емисија, бидејќи повторно имам два адута, кои не планираат да се предадат. Следи жестока борба. Верувам дека понудената тема е посебен предизвик за натпреварувачите да го дадат својот максимум во интерпретацијата. Музиката нема територијални ниту национални граници, но емоцијата на песната секогаш е на страна на оној изведувач кој музиката ја репродуцира на сопствен јазик, порача Јоксимовиќ по повод претстојната епизода на X-Factor.
Како што дознаваме, неговата колешка Кристина Ковач која неретко има поинакво мислење од своите колеги, не и било лесно да ја пронајде домашната песна за своите кандидати, но таа верува дека публиката ќе ужива во новата емисија.
Doctori ќе се претстават со балада која ја сакаат сите од овие екју простори, H20 каде членува нашиот претставник Фифи ќе пеаат една емотивна песна (за која сепак немаме сознанија дали таа ќе биде на српски или пак на македонски), додека Кристина за групата 4U одбрала популарна поп рок песна која одлично им лежи на овие шармантни девојки.
- Секогаш ми е тешко да изберам домашна композиција која ќе одговара на моите кандидати, силно се трудам да им ја најдам вистинската работа за нив, изјави Кристина.
И судиите Емина и Кики за своите кандидати одбраа домашни хитови, а кои точно композиции се тие ќе дознаеме вечерва во 21:00 часот.
Подготовките за емисијата се во тек, а како што дознаваме во студиото во Шимановац владее жешка атмосфера.
Инаку, да ве потсетиме, во оваа епизода уште еден финалист ќе го напушти натпреварувањето, па поради тоа гласајте за своите фаворити.