Во центарот на денешната Европска унија, Брисел, каде денеска се промовираат човековите права, до пред само 60-тина години на сила биле доведувани луѓе од африканскиот континент, кои биле изложувани како изроди. Имено, само десетина години по завршувањето на Втората светска војна, во Европа постоеле места каде што луѓе биле изложувани во кафези и третирани како животни.
Расизмот е нешто што се убедуваме дека сме го оставиле далеку позади нас, не делејќи ги луѓето според бојата на кожата, но пред само 60 години, во градот Брисел во Белгија, постоела последната „човека зоолошка градина“ во која во изложбени кафези биле заробени африкански робови, исто како животните во денешните зоолошки градини.
Неколку децении пред да бидат направени овие фотографии, на крајот на XIX век, Европа била преплавена со вакви објекти, кои се наоѓале во Париз, Хамбург, Лондон, Милано... Овие луѓе биле откупувани како робови и биле третирани тотално нехумано. „Сопствениците“ на нивните животи ги врзувале со ланци, ги претепувале заради најмали ситници и ги хранеле со остатоци од она што им останувало од нивните оброци. Но, се случувало и ништо да не остане од оброците, па робовите да останат гладни.
Луѓето во кафезите требале да ги забавуваат посетителите, па доколку тоа не го правеле, биде гаѓани со камења. После извесно време и појавата на масовните медиуми, ваквите „градини“ почнале да ја згрозуваат јавноста, пo што конечно биле затворени.