Норвешката крајбрежна администрација ќе потроши 270 милиони долари копајќи тунел кој ќе го поврзува Норвешкото Море со Северното Море преку полуостровот Стадландет.
Конструкцијата на „тунелот за бродови Стад“ се очекува да започне до 2018, а тој ќе биде висок 37m, широк 26.5m, и долг 1.7km. Проектот би требало да е завршен до 2022.
За потребите на изградбата ќе треба да се отстранат околу 7.5 милиони тони камен, а низ тунелот ќе можат да се движат бродови кои тежат до 16 000 метрички тони.
Моментално, за да се стигне од едниот до другиот крај на полуостровот е потребно да се заобиколи целиот, што претставува потешкотија поради големиот број на денови со бури – 45 до 106 годишно. Тунелот овој пат ќе го направи многу побрз и побезбеден, особено во периодите со неповолни временски услови.
На јужната секција од тунелот ќе се наоѓа мост од кој што пешаците ќе можат да го набљудуваат движењето на бродовите.