Вековите технолошки напредок го усовршиле процесот на печење и подготовка на кафето.
Сега, компанија наречена Space Roasters сака да пече кафе во Вселената, бидејќи смета дека е време да се револуционизира процесот на печење на кафе со помош на вселенска технологија.
Нивниот план е да се користи топлината креирана за време на повторно влегување на леталата од Вселената низ Земјината атмосфера, за што креирале специјално дизајнирана капсула во која ќе бидат сместени зрната кафе и која ќе биде насочена од Вселената назад кон Земјата на која ќе слетува со помош на падобран.
Една шолја кафе направено од вака испечени зрна ќе чини околу $500, под услов Space Roasters да пронајдат компанија која ќе се согласи да им ја лансира нивната опрема во Вселената. Моментално, за тоа се водат дискусии со Rocket Lab и Blue Origin.
Многумина сметаат дека не само што крајниот продукт е апсурдно скап, туку и опремата за печење кафе би зафаќала скапоцен товарен простор во идните вселенски мисии кој може да биде исполнет буквално со било каков друг научно значаен проект.