Холандската непрофитна организација The Ocean Cleanup го лансираше Interceptor, автономен систем за собирање на пластичен отпад од реките пред истиот да се излее во морињата.
Interceptor се состои од пловечки бариери прикачени на погони за преработка кои се закотвени за речното корито. Бариерите го пренесуваат пластичниот отпад до отворот на баржата, која е напојувана од соларни панели и функционира без човечки оператори.
Транспортниот појас го одвојува отпадот од водата и го пренесува до контејнери кои се наоѓаат во посебна баржа во долниот дел.
Кога контејнерите се полни, компјутерскиот систем ги известува локалните партнери да дојдат со брод и да го превземат отпадот од баржата и да го однесат на рециклирање.
Според The Ocean Cleanup, секој Inteceptor може да екстрахира 50 тони отпад од реката секој ден и до 100 тони под оптимизирани услови. Тие планираат да инсталираат Interceptor-и во 1000 најзагадени реки во светот, во наредните 5 години.
Два вакви системи веќе функционираат во Кланг, Малазија, и Џакарта, Индонезија, третиот наскоро ќе биде ставен во употреба во Меконг Делта во Виетнам и четвртиот во Санто Доминго во Доминиканската Република.
Соларните панели на Interceptor ги напојуваат литиум-јонските батерии кои овозможуваат системот да функционира 24/7, без звук и издувни гасови.