Како реакција на коронавирусот, властите во Хонг Конг користат роботи за дезинфицирање и чистење на вагоните на метрото.
Роботите имаат големина на мини-замрзнувач и се способни автономно да се движат низ вагоните и да ги прскаат со водород пероксид. Наместо комплетно да ги заменат луѓето кои чистат, роботите се наменети да им асистираат во чистење на малечките дупки и простори кои се тешко достапни.
Тие можат да се контролираат од далечина од 20 метри, или пак автоматски да се движат по претходно поставен план. На еден робот му се потребни околу 4 часа за чистење на воз од 8 вагони, а во план е употреба на 20 вакви роботи со цел да се осигура безбедноста и комфорот на патниците.
Кинеските власти користат поголеми автономни возила за дезинфицирање на улиците и за испорака на медицински материјали, а досега Хонг Конг успешно се бори со вирусот.