Овие фотографии од слонот Раџу, многумина ќе расплачат. Раџу живеел во Индија, каде што јадел се што можел да дофати, а во кризните ситуации му се случувало да јаде пластика и хартија само за да преживее.
Слонот 50 години бил окован во пранги, тепан и мачен. Но, по долги години конечно ја доживеал својата среќа, откако една агенција за спасување диви животни го забележала.
Погледнете ги солзите на Раџу откако бил ослободен од тешките синџири.
Слоновите се познати како многу емоционални и интелигентни животни кои можат да тагуваат, да развијат самосвест, имаат добра меморија и доколку некој упорно се труди да му објасни, тие можат да научат и одредени вештини.
- Овој настан не погоди сите. Знаевме дека Раџу почувствува кога го ослободивме, изјави Поја Бинепал, дел од спасувачкиот тим.
Сопственикот на Раџу се обидел да му даде команди на слончето откако видел дека го ослободиле, но тој собрал сила, бидејќи луѓето од агенцијата биле до него и решил да не ги послуша наредбите.
Раџу конечно зачекорил на слободна територија една минута по полноќ на 4 јули.
Спасувачката екипа покренала хуманитарна кампања преку која сакаат да соберат 10.000 долари за да му овозможат на Раџу да започне нов живот.