Продукцијата на популарната американска емисија, „MythBusters“ овој пат се потруди да го копира Ѓоковиќ, играјќи тенис на крила на авион. За разлика од нив, Ѓоковиќ ова го направи за реклама за компанијата „Heаd“.
Момците од оваа продукција се занимаваат со научни експерименти преку кои докажуваат некои луди урбани легенди. И токму затоа што рекламата на Ноле изгледа невозможна, тие решија да ја снимаат.
За да ја решат мистеријата дали може да се игра на авионски крила, екипата ја импровизирала сцената од рекламата. Сепак, тие не играат тенис на вистински авион туку поставиле крила на висина од 15 метри на камион кој се движел со брзина од 56км/час. Во овие движења момците успеале да разменат околу 10 удирања.