Изгледа дека Мерлин Монро била во право кога рекла дека русокосите знаат подобро да се забавуваат. Не само тоа, туку тие и ги поттикнуваат непознатите луѓе да бидат пољубезни кон нив. Таков барем бил случајот со американската новинарка Џо Пиаца, која се позанимавала со еден интересен експеримент.
Имено, да знаела колку врз неа ќе влијае промената на бојата на косата, Џо уште одамна би станала русокоса. Еве кои промени ги забележала триесет годишната новинарка во секојдневниот живот:
- Касиерите во продавниците и’ нуделе услуги за бесплатно носење на кесите до автомобилот.
- Таксистите почнале да и’ се насмевнуваат и да започнуваат разговори со неа.
- Портирот во деловната зграда во која работи престанал да и прави проблеми кога си ја заборавала идентификационата картичка.
- Келнерите во рестораните и служеле поголеми порции или и’ го плаќале десертот.
- Бармените ја честеле бесплатни пијачки.
- Полицајците и’ простувале за брзото возење.
- Во дискотеките ја пуштале да влезе без да плати карта.
Џо Пиаца како бринета и русокоса
За овој феномен спроведени се бројни студии, расправи и дебати, но никој со сигурност нема потврдено дека луѓето навистина подобро се однесуваат кон русокосите. Можеби тоа сепак е прашање од индивидуална природа.