Познатите светски модни куќи продолжуваат да го освојуваат светот со единствени ентериери. Овој пат, дубајската фирма Meraas и модната куќа Bvlgari објавиле дека ќе започнат заеднички проект за изградба на луксузен туристички комплекс.
Идната локација на ресортот Bvlgari не е случајно одбрана. Од модната куќа се надеваат дека жителите на Дубаи со возбуда ќе ја прифатат оваа иницијатива. Комплексот ќе се простира на 58.000м2, а ќе има 167 апартмани, 6 пентхаус апартмани и 15 вили. Внатрешноста ќе ја красат традиционални естетски атрибути карактеристични за куќата Bvlgari: градини, базени, фитнес центри, ресторани и марини за јахти.
Реализацијата на овој комплекс се очекува да започне во 2017 година.