Тиркизното езеро кај Новосибирск, кое е сè попопуларно меѓу туристите и „инстаграмџиите“ кои обожаваат селфи фотки, има една мрачна тајна: својата убава боја ја добива од отпадот од околните електрани.
Езерото со својата „волшебна боја“ е честа дестинација за инфлуенсерите од цел свет, но таа боја всушност се добива од калциум-хлоридот и други метални оксиди од отпадот.
Руската енергетска компанија што управува со објектите, упати повик – луѓето да не се приближуваат до водата. Една корисничка на Инстаграм, откако дознала за ова, објави фотографија од себе на брегот на езерото, со натпис: „Не е Чернобил, но сепак, е опасно.”
Лео Алексеј, кој покрена своја Инстаграм-страница, за Би-Би-Си вели дека го посетил езерото четири пати, но не влегол во водата, туку само „стоел до неа и гледал”.
– Не е препорачливо да се допира водата бидејќи може да предизвика алергија, изјави тој.