Светот е преполн со дестинации кои вреди да се посетат, а некои од нив се во далечни региони од светот.
1) Хотел Арктик, Гренланд
Овој хотел се наоѓа во Илуисат, Гренланд (трет по големина град во Гренланд со 4500 жители), каде секој посетител добива сопствено алуминиумско игло, а до таму се стигнува со Air Greenland.
2) Winterlake Lodge, Алјаска
За многумина, Алјаска е синоним за „далечна локација“, но Winterlake Lodge е повеќе синоним за „екстремно далечна“. Тој е лоциран на скоро 320км. оддалеченост од Анкораџ, до каде се стигнува исклучиво со авион кој може да плови по површина на вода, или авион со скии. Тука може да шетате по глечери, набљудувате мечки, одите на риболов и сл., покрај посета на часови за готвење, масажи и јога.
3) Three Camel Lodge, Монголија
Пустината Гоби е местото каде се наоѓа овој „хотел“, каде може да искусите „луксузна верзија на традиционалниот номадски животен стил“. Постетителите престојуват во традиционален „гер“ (еден вид на шатор направен од неколку слоеви платно), каде има приватно купатило и шпорет за греење. За да се стигне до таму, потребен е 90-минутен лет од Уланбатар (главниот град на Монголија), и потоа уште 90 минути со off-road возило.
4) Explora Rapa Nui, Велигденски остров, Чиле
Велигденскиот остров, познат и како Rapa Nui, е најмногу познат по масивните Моаи статуи. Explora Rapa Nui има 30 соби, базен, спа, ресторан и бар, а нуди активности како планинарење, нуркање и сл.
5) Longitude 131°, Австралија
Овој луксузен камп нуди прекрасен поглед на Улуру, познат и како карпата Ајерс.
6) Fogo Island Inn, КанадаОвој хотел се наоѓа на брегот на Њуфаундленд, а за да се стигне до него потребен е авион, автомобил и ферибот. Се работи за футуристички хотел каде има и мало кино, библиотека, сауна и џакузи на кровот.
7) Le Taha'a Island Resort and Spa, ТахитиГостите тука можа да нуркаат, бидат дел од џип сафари, како и да уживаат во спа третманите во бујните градини.
8) Serengeti Serena Safari Lodge, ТанзанијаХотелот е сместен во центарот на националниот парк Серенгети во Танзанија, каде може да се набљудуваат лавови и останати диви животни. Оние со подлабок џеб, до таму можат да стигнат со (приватен) авион, во спротивно до таму се стига преку 320км. долг пат од Аруша.
9) Kasbah du Toubkal, Мароко
Иако се наоѓа на само 65км. од Маракеш, Kasbah du Toubkal е поставен високо на планините Атлас, до каде се стигнува со 15 минутно искачување.