Едни од најпознатите светски локации, низ годините значително го имаат променето изгледот поради разни причини – климатските промени, ерозија, старост, премногу туристи и сл.
Еве колку драматично се промениле некои од нив:
1) Таџ Махал, Индија
Таџ Махал бил изграден помеѓу 1631-ва и 1648-ма, во сеќавање на омилената жена на императорот Шах Џахан. Некогаш со сјајна бела боја, денес тој го има изгубено сјајот и има кафено-зеленкаста боја благодарeние на загадувањето и органските материи од инсектите.
2) Планината Килиманџаро, Танзанија
Снежните глечери на најголемата планина во Африка исчезнуваат – едниот изгубил 5 метри дебелина во периодот помеѓу 2000/2009, а останатите многу бргу се топат. Експертите предвидуваат дека северните глечери на Килиманџаро би можеле комплетно да исчезнат до 2030-та
3) Националниот парк на глечерите, САД
Глечерите во овој национален парк се топат со сериозна брзина – некои од нив се намалени за 85% во последните 50 години, а двата најголеми глечери би можеле да станат неактивни до 2030-та. Тоа значи дека кога мразот ќе се истопи ќе се формираат подлабоки езера, кои ќе имаат огромно влијание на екосистемот во паркот.
4) Мртво Море, Јордан и Израел
Високата концентрација на сол во Мртвото Море значи дека луѓето можат природно да „пловат“ во него, т.е да се одржуваат на неговата површина.
Денес, неговата површина се намалува за околу 1 метар годишно, а поради сè поголемите температури, многу помалку вода влегува во него од реката Јордан, поради наводнувањето.
Пред околу 50 години неговата површина изнесувала околу 1000 квадратни километри, а денес таа е 670 квадратни километри.
5) Пештерата Ласко, Франција
Посетителите на преисториската пештера во Ласко, Франција, предизвикале непоправлива штета на околу 600-те пештерски цртежи. Таа била откриена од тинејџери во 1940-та, а за јавноста била отворена во 1948-ма. Но, годините влажност од телесната топлина на посетителите и јаглерод диоксидот издишуван од нив, ги уништиле цртежите во неа.
Таа сега е затворена за јавноста, а туристите можат да видат нејзина детална реплика во центарот за посетители во близина на пештерата.