Кристина Реи е 22 годишна девојка, која живее во Санкт Петерсбург, Русија. Она што ја прави „посебна“ е вечниот комплекс заради нејзиниот изглед, како и начинот на кој се одлучила да го реши својот проблем.
Кристина - на 17-годишна возраст и сега
Таа е убедена дека нејзините усни се грди и целиот свој живот и’ завидувала на нејзината сестра, која за разлика од неа, имала полни усни.
Заради овој комплекс, таа ги „наполнила“ нејзините усни со 100 инјекции, а секој болен зафат ја чинел околу 40 фунти.
Иако, објективно гледано, резултатот е невистина запрепастувачки и застрашувачки, Кристина, која признава дека е зависна од ботокс, сега сака уште поголема уста, како и пластични операции на ушите, носот и градите.
- Тоа ме прави среќна. Се случува луѓето кои минуваат на улица да ми довикуваат со разни имиња, како „голема уста“, но мене тоа воопшто не ме засега!, вели таа.
- Сакам екстремни работи. Зависник сум од тоа. Моите пријатели ми велат дека треба да престанам, но јас сеуште не сум задоволна. Уште се немам одлучено околу големината, но факт е дека тие моментално се премногу мали.
Кристина, исто така признава дека за време на училишните денови таа била малтретирана од нејзините соученици, кои постојано и’ велеле дека била грда.
- Тие не ме задеваа конкретно заради моите усни, но верував дека со големи и полни усни ќе бидам поубава. Уште кога имав четири години забележав дека усните ми се потенки од вообичаено.
Кристина, која никогаш досега немала момче, за првата инјекција се одлучила кога имала 17 години и тврди дека нејзината самодоверба веднаш се зголемила.
- Знам дека некои луѓе сметаат дека изгледам смешно, но воопшто не се грижам за тоа. Понекогаш дури и ми одговара вниманието кое го добивам од луѓето кога пробуваат да ме сликаат со нивните мобилни телефони, додава таа.
22-годишната Русинка, пред самоволно да се „деформира“