Во неделата нашата пејачка Тамара Тодевска ја круниса со брак врската со кошаркарот Александар Димитровски - Мачка.
- Убаво ми е, среќна сум. Многу ве сакам сите што бевте вчера и многу ви благодарам што направивте тоа да биде свадба за паметење. Неверојатно чувство! Ве сакаме со Мачка и ви благодариме на честитките, напиша вчера Тамара на својот Фејсбук профил.
Иако неодамна излегоа гласини дека парот ја раскинал свршувачката, пејачката на сите им докажа дека тоа биле само невистини. Ние им посакуваме ваквата среќа постојано да биде присутна во нивнот брак!
Инаку, свадбената церемонија се одржа во ресторанот Атланта кој се наоѓа на кејот на Вардар. На неа присутна беше скопската елита, меѓу кои и Каролина Гочева, Роберт Билбилов, Весна Петрушевска, Никола Перевски - Пере, како и манекенката Катарина Ивановска, која е меѓу нејзините најдобри другарки, а она што е поинтересно е дека токму таа го фатила бидермаерот.
