Иако изгледаше како еден од најцврстите бракови во Холивуд, сепак Бен Афлек и Џенифер Гарнер објавија дека се разделуваат, само еден ден по нивната 10-годишнина од бракот.
- По многу размислување донесовме тешка одлука за развод. Ќе продолжиме да се сакаме и ќе останеме пријатели и ќе им се посветиме на нашите деца. Ве молиме да ја почитувате нивната приватност во овие тешки мигови, се наведува во заедничкото соопштение на Афлек и Гарнер, кое го објавија Huffington Post, но и популарниот селебрити магазин People
Во соопштението тие нагласуваат дека тоа ќе биде нивни единствен коментар за оваа, како што ја нарекиваат, „лична семејна тема“.
Интересно е тоа што Афлек и Гарнер се запознаа на снимањето на филмот „Дајрдевил“ во 2003 година, а од бракот имаат три деца - деветгодишната Вајолет, шестгодишната Серафин и тригодишниот Семјуел.
Дека во односите меѓу Бен и Џенифер „не оди се како подмачкано“ почна да се шпекулира уште по манифестацијата на доделувањето на оскарите пред две години, кога Афлек во својот поздравен говор по добивањето на златната статуетка за филмот „Арго“, нивниот брак го нарече „бизнис“.
Во истиот тон продолжи и Гарнер, која лани во интервју за „InStyle 2014“ изјави дека нивниот брак „одамна излегол од фазата на додворување“ и дека таа повеќе и нема енергија за нешто такво.
- Продолжуваме напред со љубов и пријателство еден за друг и обврска заедно да ги растеме нашите деца, чија приватност бараме да биде почитувана во овој тежок период, пишува во заедничкото соопштение на парот, кој дополнува дека ова ќе биде нивниот единствен коментар за фамилијарните односи.