Бракот на холивудските актери Бен Афлек и Џенифер Гарнер пукна по 10 години заеднички живот. И додека многумина се уште се надеваат дека познатата двојка во последен момент ќе ги разреши недоразбирања, извори блиски до парот откриваат дека Џенифер одвај чекала да се ослободи од како што велат „четвртото дете“.
-Џен секогаш се грижеше за Бен и беше силниот партнер во врската. Со текот на времето сфати дека нејзините потреби не се задоволени. Сега и се радува на иднината бидејќи ќе има време за себе и нема да мора да се грижи за Бен, вели изворот и додава дека актерката често им се жалела на пријателите дека тој и е како четврто дете, а не како сопруг.
-Таа постојано чувствуваше притисок затоа што мораше да се грижи Бен да остане на вистинската патека, да не пие и да не се забавува без мерка.
По неуспешните врски со Гвинет Палтроу и Џенифер Лопез, изгледаше дека Џенифер е вистинската жена за Афлек, но дури и на неа и здодеа постојано да внимава дали нејзиниот сопруг ќе западне во неволја или не.