Лос Анџелес, 3 јули 2015 (МИА) - Американската актерка Сандра Булок неодамна се појави на насловната страна на магазинот „Пипл“, како најубава жена во светот во 2015 година.
Но, таа сега тврди дека имало еден услов под кој се согласила да се појави во тој број: изборот на најубава жена да се базира на разговор за тоа која е нејзината перцепција за убавото.
Таа вели дека начинот на кои се однесуваат медиумите кон жените во филмската индустрија ги натерало да оформат заштитнички настроено „племе“, за да можат да се носат со напливите на негативни коментари за нивниот изглед, кои започнуваат во истиот момент кога припадничките на понежниот пол излегуваат од дома.
Опишувајќи го негативното влијание на опсесијата за убавината на жената, во изјава за магазионот „Е!“ Билок вели дека има впечаток како да е „започната сезона на напади врз жените“, не само заради нивниот карактер, туку и поради тоа како изгледаат и колку се стари.
- Се обидувам да одберам добар маж кој ќе ги почитува жените, а паралелно со тоа во медиумите се случува напад кој мислам дека нема да престане. Најтешко им е на девојчињата кои доживуваат неверојатно малтретирање на интернет. Мораме да престанеме. Им наштетуваме на девојките и жените на тој начин. Тоа ме плаши. Навистина ме плаши, изјави Булок.