Српската актерка, Мина Лазаревиќ викендов беше претепана од нејзиниот сопруг, балетанот Горан Станиќ.
Според првичните информации до кои дојде Блиц, Станиќ ја претепал Лазаревиќ во ноќта помеѓу петокот и саботата, но актерката не го пријавила случајот најверојатно поради страв дека повторно ќе ја повреди.
Полицијата дошла во станот на сопружниците во неделата откако Станиќ пукал од автоматска пушка од терасата, при што актерката им раскажала за тоа како била претепана.
Во станот на парот биле пронајдени каписли за детонатор, по што балетанот бил уапсен за семејно насилство како и за предизвикување на општа опасност и незаконско држење на оружје и муниција.