Магазинот Harper’s Bazaar традиционално ги додели наградите за жени на годината.
Кејт Винслет ја доби наградата за британска икона, Лара Стоун за манекенка додека Сиена Милер се закити со онаа за британска актерка.
Меѓу добитничките беа и Ели Гоулдинг во категоријата пејачка и Никол Кидман во категоријата театарска икона.
Сиена избра едноставен, но впечатлив фустан што веднаш ги освои симпатиите на присутните, Винслет се определи за мохохроматска креација, додека Лара Стоун играше на помалку невообичаена комбинација која сепак профункционира на црвениот тепих.
Единствената која секој би се запрашал зошто го избрала токму тој фустан беше Никол Кидман. Австралиската актерка потфрли со креацијата, но и со чевлите.
Многумина се прашуваа што се случува со оскаровката која отсекогаш важела за жена со беспрекорен стил.