Ирската пејачка Шинед О’Конор е добро и добива медицински третман по обидот за самоубиство, потврди даблинската полиција.
О’Конор беше пронајдена во хотелска соба од страна на полицијата по нејзината порака која таа ја објави на социјалните мрежи во која објасни дека земала преголема доза на дрога со намера да се самоубие.
Во пораката која таа ја објави синоќа и која беше интерпретирана како „самоубиствено писмо“ Шинед објасни и дека била на „самоубиствена стража“ во изминатите 2 недели поради стравот дека би можела да си го одземе животот.
Шинед О’Конор веќе со години се бори со биполарната болест, клиничката депресија, а во август оава година и беше извршена хистеректомија. Таа е мајка на 4-деца.
Шинед О’Конор важи за контроверзна пејачка веќе 25 години, а најголемиот успех го постигна во 1990-та година со римејкот на хитот од Принц, Nothing Compares To You.