Вчера се играше финалето на Australia Open, меѓу Новак Ѓоковиќ и Енди Мареј, кој го следеше целиот свет. И додека повеќето во публиката во Австралија навиваа за Мареј, ние Балканците го поддржувавме Ноле од пред малите екрани.
Најверен негов фан е неговиот син Стефан, кој заедно со мама дома го следеа тато. Тој гледајќи го натпреварот го позна татко му и со прст покажуваше накај него, а кога го дадоа Мареј само си се тргна од пред ТВ.
Откако Ноле победи по два и пол часа игра, Јелена му честита преку порака на социјалните медиуми, со која го разнежни целиот свет:
Три недели бевме разделени, но за два дена пак ќе бидеме заедно. Се навикнавме на разделби и не ни паѓаат тешко, бидејќи и двајцата сме презафатени и независни. Деновите брзо поминуваат, фокусирани сме на работа и добро функционираме сите овие денови. Но, кога тој треба да стигне дома и ми се јавува дека седнал во авион, тие неколку часа се како цела вечност! Тогаш всушност сфаќаме колку си недостигаме еден на друг! Летот од Мелбурн трае цел ден! Браво, моја љубов! Мој страстен шампион! Мојот победник на Australia Open по шести пат!