Убавината понекогаш боли, а Софија Вергара е вистински пример за тоа. Колумбиската актерка, која неодамна стапи во брак со својот колега Џо Манџело, во интервју за Тhe Edit призна дека после секое појавување на црвениот тепих поминува низ пекол.
-Луѓето често ми забележуваат дека носам ист тип на креации на црвениот тепих, но јас си го знам телото, тоа е многу волуменозно и имам гради како на стриптизета. Тие се 32DDD и се природни, па секој фустан мора да има потпора. Многу нешта се случуваат под моите фустани и секогаш крвавам на крајот од големите настани, вели актерката.
Вергара има во план да направи операција за намалување на градите затоа што не сака да заврши со изглед на стара проститутка. Иако има 43-години решена е и да роди уште едно дете.
-Мојот сопруг е 4 години помлад од мене и сака да има деца, па затоа се обидуваме да изнајдеме начин како да го направиме тоа. Не се плашам од тоа повторно да бидам бремена, но тоа нема да се случи по природен пат, нели?, признава таа.