Кога нешто работите напорно, се надевате и сонувате со години дека ќе добиете соодветно признание за сработеното. Во моменот кога ќе бидете наградени, тешко ви е да се одвоите од наградата, па макар и за кратко време.
Ова важи и за познати личности исто како и за „обичните“ луѓе. Погледнете ја реакцијата на Ди Каприо кога за момент требаше да се одвои од Оскарот. Реакција која многумина насмеа.
- Ова вака го правите секоја година? Не сум знаел, се пошегува Ди Каприо на неговата сметка, обраќајќи се на жената задолжена за гравирање на неговото име на плочката од статуетката која штотуку ја имаше добиено.
По долго чекање на признанието, за момент краткото одвојување од статуетката, очигледно тешко му падна.
Видеото на кое Лео нестрпливо ѕирка преку шалтерот и внимателно го следи процесот на гравирање е едно од најпопуларните ден по ноќта на Оскарите.
Покрај тоа што ги насмеа фановите, некои се убедени дека во догледно време нема да се одделува од статуетката , а можеби ќе спие и со Оскарот под перница.