Версаче фустанот кој Џенифер Гарнер го носеше на доделувањето на Оскарите изгледаше мошне гламурозно, но не и толку удобно за носење.
Во шоуто на Џими Фалон, актерката откри детали за тоа како изгледа да се носи едно такво парче на облека, како и за обидот за одење во тоалет кога металниот дел за закопчување е лоциран точно врз половиот орган.
-Знаеш ли воопшто како се прават тие фустани? Се поместуваат внатрешните органи! Дојдоа двајца мажи и ме вовлекоа во метален корсет. Ребрата ми беа потполно стиснати! Тие двајца Италијанци ми ги поместија ребрата и црниот дроб додека не влезам во корсетот, објасни Гарнер.
За време на Оскарите започнала да има проблеми со дишењето и добила напад на паника, по што ја искористила паузата за реклами за да излезе од салата. Најкомичниот момент настанал во тоалетот кога посакала да се соблече.
-Тоа не беше баш пријатна глетка. Тој корсет се закопчува со кукички кои буквално ми се пикнаа во вагината, признава актерката.
Да не била нејзината пријателка најверојатно никогаш немало да се снајде и да оди по мала нужда во луксузната креација од Версаче направена специјално за неа.