Србија е во шок откако полицијата го пронајде безживотното тело на Јелена Марјановиќ Крсмановиќ. Пејачката на Гранд беше пронајдена мртва во еден канал со вода во Борча. Нејзиното семејство пријави дека е исчезната откако вчера не се вратила од трчање.
Според полициски извори на неколку метри од телото се пронајдени нејзината тренерка, патика и мобилниот телефон, а на починатата се забележани повреди од остар предмет кои укажуваат на тоа дека била убиена.
Нејзиниот сопруг, Зоран Марјановиќ го помина денот во полициската станица давајќи изјави. Порталот Informer неофицијално дознава дека Зоран бил ставен на полиграфски тест, што успешно го поминал. Во полициската станица се повикани и свекорот и свекрвата.
Додека истрагата е во тек, семејството и пријателите се уште не можат да поверуваат дека Јелена повеќе ја нема.
Ќерката Јана (5) постојано ја бара мајка си со зборовите: Вратете ми ја мама, сакам да си играм со неа, а колегите од Гранд продукција се уште се во шок по трагичната вест.
-Шокиран сум од веста дека Јелена повеќе не е меѓу нас. Длабоко сум потресен. Се додека не ја дознав застрашувачката вест се надевав на најдоброто. За жал не дочекав добри вести! Ова е неизмерна загуба за нејзиното семејство и за сите нас, изјави Саша Поповиќ.
Пејачката Маја Маријана ја искоментира смртта на своето колешка на социјалните мрежи.
- Таа беше млада жена за пример...Зошто...Каде е правдата...Душата ме боли, ја знам уште од кога беше дете...разни створови го дишат овој воздух...ми се вреска од болка и мака!