Две недели по убиството на пејачката Јелена Марјановиќ Крсмановиќ, полицијата се уште го нема фатено виновникот. Според пишувањата на српски Курир, нештата од ден на ден стануваат сè покомплицирани.
Извори блиски до истрагата тврдат дека обдукцијата покажала дека телото на Јелена било во вода само 3 часа. Ова пак сугерира дека не била убиена во каналот туку на друго место.
Блиц пак известува дека полицијата на големо ја претресува куќата на семејството Марјановиќ и од нивниот дом изнесува црни вреќи. Репортерот, кој се наоѓа на местото, вели дека од куќата бил изнесен тепих.
Иако истрагата за убиството се уште е во тек, тоа не ги спречува обложувалниците во Борча да прават морбидни обложувања дали убиецот е нејзиниот сопруг или неговиот 13 годишен син од првиот брак.
-Целото семејство е матно, но повеќето луѓе сметаат дека зад нејзиното убиство стои нејзиниот сопруг. По него, најсомнителен е неговиот син од првиот брак, Урош. Некои се сомневаат и во мајката на Зоран, Зорица, вели еден локален мештанин.
Поради ваквите претпоставки ниту Зоран, ниту неговото семејство не се појавуваат во јавноста.