Музичарот, пејач и актер Принц почина по компликации од СИДА, тврди американскиот магазин, National Enquirer во својот најнов број.
Според истрагата која ја направи магазинот, на Принц му бил дијагностициран ХИВ позитивен статус во средината на 90-те, но вирусот прогресирал во СИДА, околу 6 месеци пред смртта на возраст од 57 години.
Лицата кои го познавале Принц јавно изразија загриженост за екстремно изгладнетиот и нездрав изглед во последниот периодот, а еден извор за магазинот тврди дека пејачот тежел околу 40 килограми пред смртта.
Причината за тоа според истрагата на магазинот е СИДА-та со која Принц се борел и која прогресирала по одбивањето да има соодветен третман за неа. Принц беше познат по тоа што беше Јеховин сведок и според пријателите одбил да се лекува со соодветна терапија бидејќи сметал дека „Господ ќе го излечи“ од болеста.
-Докторите му кажаа дека неговото здравје е ужасно. Имаше температура од 40 степени, а секогаш во близина каде и да одеше имаше апчиња против болки, кои го намалуваа страдањето, изјави анонимен извор за магазинот.
Апчињата предизвикале зависност, што и денес се смета за причина за смртта на Принц - предозирање со апчиња за болка, но резултатите од аутопсијата за сега не се објавени за јавноста.