Вистинско неверство или одличен маркетиншки трик за подобра продажба на албумот?
Бијонсе деновиве е топ тема на социјалните мрежи, токму поради својот последен албум „Lemonade“ со кој ги подгреа гласините за наводното неверство на сопругот Џеј Зи.
Во една од своите песни, пејачката ја споменува „Беки со убавата коса“ за која сите претпоставуваат дека му била љубовница на раперот.
Каква и да е вистината, Бијонсе реши да стави крај на гласините на својот концерт во Мајами. Непосредно пред да настапи со своите танчарки едноставно рече „Многу те сакам“ по што му ја посвети песната Halo на својот „прекрасен сопруг“.
Со ова им испрати порака на обожавателите дека наводните турбуленции во нејзиниот брак, за кои што пишуваат таблоидите, сепак не држат вода.