Кога на црвениот тепих ќе се најдат Џорџ Клуни, неговата сопруга Амал и Џулија Робертс со сигурност знаеме дека ќе биде интересно.
Премиерата на најновиот филм на Џорџ, „Money Monster“ во Кан, предизвика внимание од повеќе причини.
Најпрвин никој не можеше да остане рамнодушен на раскошниот жолт фустан што го носеше Амал. Но, креацијата од Версаче и направи мал проблем при одењето, па сопругата на Џорџ се заплетка во неа.
Џулија Робертс ги зема работите во свои раце и ги соблече високите потпетици, по што безгрижно зачекори боса на црвениот тепих, потег што предизвика воодушевување кај нејзините колешки.
Интересно беше да се забележи и како Џорџ рака под рака ги држи својата сопруга и својата најдобра пријателка.
Таблоидите веќе некое време на големо пишуваат дека Амал и Џулија не се во најдобри односи, но нивното држење на премиерата несомнено беше за поздравување.
