Поранешната љубовница на Мирослав Илиќ, Мирјана Антоновиќ е подготвена да оди до крај кога станува збор за нејзината љубовна афера со пејачот и за вонбрачниот син Девин.
Антоновиќ пишува книга во која ветува дека ќе ги открие сите пикантерии за животот на Илиќ, a воедно и за нивната врска.
-Во моментот пишувам книга во која ќе ги откријам деталите на мојот бурен живот. Многу познати ќе бидат дел од оваа автобиографија, а меѓу нив и Мирослав Илиќ, таткото на Девин. Ќе има и убави и лоши нешта, таков е животот. Да пишував фиктивна книга, не би можела да измислам таков живот, вели Мира.
Таа и Мирослав постојано се препукуваат по медиумите бидејќи тој не сака да го признае нејзиниот син како свој.
-Кога во Србија, како во сите нормални држави би постоел закон за задолжителна ДНК анализа во вакви случаи, овој проблем одамна би бил решен. Не би се малтретирале недолжни деца. Да беше Мирослав во Америка, одамна ќе завршеше во затвор. Затоа и не смее да се појави таму, додава таа.