Уште едно големо шоу и уште една голем победа!
Даниел Кајмакоски повторно ги освои симпатиите на балканската публика, но овој благодарение на неговата дарба за имитација.
Кајмакоски доби најголем број на гласови од публиката и со тоа ја освои наградата од 25 илјади евра во шоуто „Tvoje Lice Zvuci Poznato“.
-Мислам дека најпотребно е да ги дадам овие пари на една самохрана мајка од Куманово која се бори да ги спаси своите две деца кои имаат иста болест, рече Даниел и додаде дека на мајката и се потребни 100 илјади евра, па овие пари ќе бидат само мал придонес за неа.
Пејачот вечерва беше во улогата на Монс Селмерлев, минатогодишниот победник на Евровизија и ја изведе песната „Heroes“.
-Многу сум среќен што вечерва не мораме да оценуваме. Инаку би бил во голема дилема. Твојот настап беше спектакуларен. На сите ни се претстави како добар пејач, добро момче и мислам дека многу допринесе оваа емисија да биде топ, воодушевено изјави водителот Иван Ивановиќ.
Даниел несомнено беше спектакуларен не само оваа вечер, туку и во изминатите неколку месеци додека го следевме шоуто. Илјада евра освои со имитацијата на Тина Тарнер, но подеднакво пленеше и како фронтменот на Rammstein, Мајкл Џексон, Џастин Бибер, Бруно Марс...
Во финалето си ги одмери силите со Каја, Ивана, Неша и Никола Првиот натпреварувач, кој го напушти финалето беше Ивана Петерс, откако освои најмал број на гласови од публиката.
По неа шоуто го напуштија Каја и Неша Бриџис, па на крајот останаа само Даниел и Никола Роквиќ.
Н.В.