Холивудските филмски премиери се дел од секојдневието на актерките. Тие пристигнуваат на црвениот тепих во елегантни свечени тоалети од најпознатите модни дизајнери, но за мал дел од актерките тоа е речиси невозможно.
Лесли Џонс е последната од актерките кои се пожалија за фактот дека никој од дизајнерите не сака да им понуди фустани за тие да ги носат на премиерите и останатите свечени прилики.
Лесли е комичарка, актерка и сценаристка која следниот месец публиката ќе има можност да ја погледне во римејкот на филмот Ghostbusters, но во исто време таа е 48-годишна жена која е висока 183 сантиметри и со тежина која не се вклопува во стандардот на Холивуд.
Па затоа и голем дел од модните дизајнери одбиваат да понудат фустани не само на актерките кои се повисоки, туку и подебели од вообичаената тежина која се бара во Холивуд.
Претходно истиот проблем го имаше и колешката од Ghostbusters, Мелиса Мекарти, но и Брајс Далас Хауард која исто така е со конфекциски број над 6.
Премиерата на Ghostbusters е закажана за 15-ти јули.