Актерката Линдзи Лохан призна дека ја раскинала врската со свршеникот Игор Тарабасов поради насилство. Паралелно се нејзината исповед се појавија досега необјавени фотографии од пијаниот Игор кој ја напаѓа на една од плажите на Миконос.
На фотографиите ЛиЛо и нејзиниот свршеник се во неговиот џип, по што таа излегува да бега, а тој трча по неа, по што агресивно и ја витка раката со цел да и го земе телефонот.
Лохан призна дека свршеникот ја нападнал во повеќе од еден наврат и дека врската која што се надевала дека ќе донесе брак и деца, во суштина е полна со агресија.
-Сега сфаќам дека не можеш да останеш во врска само затоа што си вљубен. Ниту една жена не може да биде тепана и да остане во врска со таа личност, ако личноста не е подготвена да и се извини, изјави Лохан.
Таа додаде дека за време на нападот на Миконос, рускиот милионер бил под дејство на алкохол и едноставно полудел.
-Сакав да го направам ова интервју бидејќи е време да се каже вистината. Во последно време беа објавени многу лажни нешта за мене. Долго време молчев, но сега се плашам од она што Игор може да ми го направи и да си го направи на себе си, објаснува Лохан.