Клои Кардашијан постојно ја гледаме во медиумите како ја промовира својата нова фигура и резултатите од диетата и вежбањето кои ја преполовија на половина од она што беше.
Сепак, реалити ѕвездата деновиве проговори за еден друг аспект од нејзиниот живот, во кој јавноста досега не беше упатена. Клои откри дека пред неколку години и биле отстранети неколку бемки од кожата бидејќи за време на прегледите се утврдило дека се малигни.
-Имам бемки по целото тело и пред неколку години забележав дека една од нив, која се наоѓаше под мојата града започнала да расте. Веднаш почнав да читам на интернет и сфатив дека морам да одам на лекар, вели Клои.
Докторите ја отстраниле бемката и за среќа истата била бенигна. Но, во следната прилика немала толкава среќа.
-Имав една бемка на грбот која беше рак на кожата. Ми отстранија голем дел од кожата. Беше многу болно затоа што беше многу кожа. Отстранувањето на другите бемки не беше толку болно. Сега откако поминав низ процесот неколку пати, далеку сум посвесна за својата кожа, телото и бемките, додава таа.