Бред Пит е под истрага на полицијата и социјалните служби на Лос Анџелес поради информациите дека бил вербално и физички насилен кон децата. Според гласините, семејството било на приватен лет, кога пијаниот Бред започнал да вика на децата и недолично да се однесува.
TMZ пренесува дека „епизодата“ се случила минатата среда по што Анџелина ги поднела документите за развод веќе следниот ден. Изворите на порталот велат дека Џоли и Пит ќе дадат свои изјави во полицијата, по што и децата ќе раскажат што точно се случило.
Некои од таблоидите пренесуваат дека Пит очајно сакал да го спаси бракот и и ветил на Анџелина дека ќе оди на терапија за одвикнување од дрога и алкохол, но таа не се согласила со тоа.
Во меѓувреме таборот на Џенифер Анистон веќе на големо удри по Анџелина нарекувајќи ја лудачка. Една од најдобрите пријателки на Џен, комичарката Челси Хендлер отворено ја нападна Џоли во својата емисија.
-Кружат гласини дека Бред наводно пиел и пушел многу марихуана. Се прашувам зошто мора сам да се лечи. Можеби затоа што можеше да ги помине последните 12 години на езерото Комо дружејќи се со Џорџ Клуни и Мет Дејмон, наместо да биде заглавен во куќа со 85 деца кои зборуваат 15 различни јазици. А, да...Затоа што се ожени со е**** лудачка!, рече таа.