-Извинете имам итен семеен случај! Морам да го запрам шоуто!, се зборовите со кои Каније Вест го прекина својот настап на Медоу фестивалот во Њујорк, откако му соопштиле дека неговата сопруга била нападната и ограбена од две вооружени лица во нејзината хотелска соба во Париз.
-Ким Кардашијан Вест беше држена на нишан во хотелската соба во Париз од две маскирани лица облечени како полицајци. Таа е мошне потресена, но физички неповредена, изјави портпаролот на Ким.
Според првичните информации настанот се случил некаде помеѓу 3 и 4 часот наутро. Daily Mail пренесува дека Ким била врзана и затворена во бањата, додека крадците украле накит во вредност од 11 милиони долари, меѓу кој и прстен вреден 4, 5 милиони долари.
За време на инцидентот Норт и Сеинт не биле со својата мајка. Француската полиција е излезена на местото на настанот и го истражува случајот, но не дава детали.
Во меѓувреме многу познати личности и ја дадоа подршката и изјавија дека нема ништо смешно околу тоа што и се случува на Ким. Никој не би требало да ја искористи ситуацијата за да се потсмева бидејќи станува збор за мошне сериозна работа.
